Төсен алыштыра торган джинсалар

Гади киемнәр  белән инде беркемне дә гаҗәпләп булмый, шуңа күрә зур оешмалар әллә нинди яңа кызык әйберләрне уйлап чыгара. Менә, мәсәлән, Канада бренды «Naked & Famous» гадәттән тыш джинс чалбарны чыгарган. Алар тән температурасы үзгәреше белән төсләрен алыштыра ала.

Беренче караганда — бу гади ак джинс чалбар, ләкин сез аны киеп ошегән чакта, чалбар зәңгәр төсле була, ә тәнегез  җылынгач алар кире ак төскә кайта. Шундый кызык эффектка ясаучылар термохром буяу ярдәме белән ирешкәннәр. Шул буяу эченә температура үзгәреше белән төсләрен алыштыра торган молекулалар керә.