Кыңгыраулы мәктәп еллары

Кыңгыраулы мәктәп еллары
Рим Хәсәнов көе Шәүкәт Галиев сүзләре

Кошлар да бер шулай таралалар,
Сау бул инде, туган оябыз!
Офыкларга карап очар өчен
Иңнәрдә без канат тоябыз.

Әйтерсең лә пар атларда үтте
Кыңгыраулы мәктәп еллары;
Күңелләрдә гомерлеккә калыр
Шушы соңгы моңлы чыңлавы.
Кыңгыраулы, кыңгыраулы,
Кыңгыраулы мәктәп еллары!..

Зур юлларга безне чыгардың син,
Күңелләргә бирдең омтылыш.
Соңгы звонок булсын беренчесе,
Син каршыла безне, зур тормыш.

Әйтерсең лә пар атларда үтте
Кыңгыраулы мәктәп еллары;
Онытылмас, кая юл тотсак та,
Сагындырыр таныш чыңлавы.
Кыңгыраулы, кыңгыраулы,
Кыңгыраулы мәктәп еллары!..

Алда әле заман имтиханы,
Күп сынаулар әле үтәсе;
Максатларга әле ирешәсе,
Хыялларны чынлык итәсе!

Әйтерсең лә пар атларда үтте
Кыңгыраулы мәктәп еллары;
Киләчәккә безне озатканда
Онытылмас дәртле чыңлавы.
Кыңгыраулы, кыңгыраулы,
Кыңгыраулы мәктәп еллары!..

Перевод на русский:

Звонкие школьные годы
Птицы тоже так разлетаются,
Прощай, дом родной!
Чтобы лететь глядя на тени,
На плечах у нас крылья.

Словно на паре лошадей промчались
Звонкие школьные года;
В душе останется на веки
Этот последний звонок.
Звонкие, звонкие,
Звонкие школьные годы!..

Ты выпустила нас на большие дороги,
Дала душам направление.
Последний звонок бедет первым пускай,
Встречай нас, взрослая жизнь.

Словно на паре лошадей промчались
Звонкие школьные года;
В душе останется на веки
Этот последний звонок.
Звонкие, звонкие,
Звонкие школьные годы!..

Впереди еще экзамен времени,
Много испытаний надо будет пройти;
Добиваться многих целей,
Воплощать мечты в жизнь!

Словно на паре лошадей промчались
Звонкие школьные года;
В душе останется на веки
Этот последний звонок.
Звонкие, звонкие,
Звонкие школьные годы!..