Галәмдәге кече планеталарның берсе хәзер Хәсән Туфан исемен йөртә.

Татар әдәбияты классигы исемен йөртүче әлеге планета җирдән 250 млн. км ераклыкта урнашкан.

Бу хакта Г. Тукай исемендәге Дәүләт премиясе лауреаты — Хәсән Туфанның 110 еллыгына багышланган кичәдә хәбәр ителде. Кичәдә ТР Премьер-министры урынбасары – мәдәният министры — Зилә Вәлеева да катнашты.

Үз чыгышында ул бу хакыйганың Татарстан интеллигенциясе өчен чын бәйрәм икәнлеген әйтеп узды: «Бөек шагыйрьләр гомере – мәңгелек. Аларның иҗаты бүгенге көндә дә игътибар үзәгендә», — диде ул.

Аннан соң күренекле артистлар башкаруында Хәсән Туфан әсәрләре яңгырады.

Кичәнең төп сюрпризы: Җирдән 250 млн. километр ераклыктагы кече планеталарның берсенә Хәсән Туфан исеме бирелү хәбәре булды. Бу планета 1995 елның 26 сентябрендә Казан университетының астрономия станциясенә ачылган.

Хәсән Туфан 1900-нчы елның 9 декабрендә Аксубай районында крестьян гаиләсендә дөньяга килә. Татар әдәбиятында беренчеләрдән булып, ул эшче сыйныф һәм аның авыр хезмәте турында яза бушлый. Аның күп кенә лирик шигырьләре җырга салына. 1940-нчы елда Хщсщн Туфан репрессияләнә. Сталин үлеменнән соң, 1956-нчы елда гына шагыйрь Казанга кайтуга ирешә ала.